Drejtoresha e spitalit infektiv, Najada Çomo do të kandidojë për deputetë në qarkun e Tiranës nën siglën e PS-së, pas ftesës që mori nga kryemiinstri Edi Rama.
E ftuar në emisionin Frontline, Çomo tha se kur nisi pandemia e koronavirusit as nuk e kishte menduar ndonjëherë të jetë pjesë e politikës.
Ajo tha vendosi të pranojë ftesën e kryeministrit Rama, pasi sipas saj, ishte një vlerësim për të dhe gjithë ekipet mjekësore, që janë përballur me armikun e padukshëm.
Najada Çomo: ”Vjet kur ka filluar pandemia as e kisha menduar ndonjëherë të jem pjesë e politikës. Gjithmonë duhet të dini që unë përfaqësoj një “NE”, që jemi gjithë stafi i spitalit. E pranova ftesën e PS, sepse m’u duk një vlerësim, një nderim për punën tonë të përbashkët. Nëse unë do të jem pjesë e atij Kuvendi, ashtu sic kam bërë më të mirën në jetën time që nga fillimi punës tek Infektivi, shpresoj të jem një kontributore pozitive në Parlament, kryesisht në fushën e shëndetësisë, që e njoh mirë. Unë jam dhe do të jem në spital, deri ditën e fundit që do të kem pacientin e fundit me Covid. Nuk jam shkëputur asnjëherë. Do vazhdoj të jem në spital, për të dhënë kontributin, aty ku ka nevojë pacienti.”
