Kryeprokurorja në detyrë, Arta Marku, ka ankimuar vendimin e Këshillit të Lartë të Prokurorisë, që e rendit të dytën në listën e kandidatëve për Prokuror të Përgjithshëm.
Prokurorja i ka dërguar një kërkesë zyrtare Këshillit të Lartë të Prokurorisë, ku edhe i kërkon informacion të detajuar për pikëzimin. Ajo u rendit e dyta në listën e KLP me plot 406 pikë, pasi vendin e parë e mori prokurori Olsian Çela.
Në ankimin drejtuar Këshillit të Lartë të Prokurorisë, Marku ka kërkuar që t’i vihet në dispozicion pikëzimi i detajuar prej secilit anëtar.
Marku u rendit e dyta me 406 pikë pas Olsian Çelës me 459 pikë dhe para Fatjona Memçaj me 362 pikë. Më 14 nëntor, KLP miratoi me shumicë votash pr/vendimin për renditjen e kandidatëve për Prokuror të Përgjithshëm me mandat kushtetues.
