Reshjet e dendura të borës kanë sjellë bllokim të qarkullimit të mjeteve. Rrugët janë të bllokuara, e ndërsa kompanitë e mirëmbajtjes kanë gjetur zgjidhjen ideale. Por, e dini se pse përdoret kripa për zhbllokimin e rrugëve me borë? Vlen të theksohet se kripa shkakton shkrirjen e akullit. Kjo ndodh sepse kur kripa i shtohet akullit, ajo vendoset në kontakt me shtresën e hollë të ujit në sipërfaqe.
Kur akulli dhe uji janë në kontakt, ka një shkëmbim midis dy gjendjeve të ndryshme të ujit, i lëngët dhe i ngurtë. Një pjesë e molekulave të akullit shkëputen dhe kalojnë në ujë, si dhe e kundërta ndodh me molekulat e ujit. Pas shkrirjes së kripës në ujë, numri i molekulave të ujit që i ngjiten akullit rritet me shpejtësi.
Ky kontakt ul temperaturën (pikën) e shkrirjes së akullit nën atë normale. Si pasojë, akulli në kontakt me kripën shkrin dhe kështu krijohet një tjetër shtresë uji duke nisur ciklin nga fillimi. Sa më e përqendruar të jetë kripa, aq më shumë ulet temperatura e ngrirjes së akullit.
