Referuar situatës që po kalon Shqipëria nga koronavirusi, ish-kryeministri i Italisë, Matteo Renzi, e ka shfrytëzuar për të zhvilluar një video-live në Instagram me kryeministrin Rama.
Pas bisedës për Covid-19, Renzi surprizoi Ramën me nj këngë. “E di që të pëlqen shumë”, tha Renzi dhe menjëherë vendosi këngën e shqiptarit Ermal Meta, me të cilën përfaqësoi Italinë në Eurovizion.
“Mbrëmje e bukur gjithashtu sonte në Instagram. Faleminderit të gjithëve dhe faleminderit Edi Ramës, vëllait dhe mikut. Shihemi nesër, natën e mirë të gjithëve”, shkruan Matteo Renzi teksa publikon edhe pamje nga biseda live me kryeministrin Rama.
Teksa në sfond luhej “Non mi avete fatto niente”, ish-kreu i qeverisë italiane nuk i rezistoi dot tundimit dhe filloi ta këndonte edhe vetë.
Lufta e Shqipërisë me COVID-19 vijon, ndërsa ka shkuar në 361 numri i personave të infektuar. 104 persona të shëruar, staf mjekësor dhe qytetarë. Që nga shfaqja e rasteve të para, Shqipëria ka bërë 2396 testime me tampon. Ndërsa mosha mesatare e të infektuarve është 50 vjeç.
