Elseid Hysaj mbylli një sezon fantastik tek Napoli nën drejtimin e Maurizio Sarrit dhe vazhdon po në atë ritëm edhe nën urdhrat e Ancelottit. Emri i mbrojtësit shqiptarë gjatë merkatos së verës ishte ndër më të lakuarit për tu larguar. Ai ishte i lidhur me Chelsea, pasi aty tashmë është trajneri italian Sarri i cili e pëlqen shumë Hysajn.
Por pas refuzimit për tu larguar, Napoli kërkon të rinovojë me shkodranin dhe ta blindojë atë. RAI ka zbuluar më të rejat e rinovimit të kontratës së Hysajt me Napolin e cila skadon në fund të vitit 2021. Që të rinovojë, Hysaj kërkon të paktën 3 milionë euro neto në sezon, nga 1.8 që përfiton aktualisht. Por, në radhët e Napolit nuk ofrojnë më shumë se 2 milionë.
Por duet se asnjëra nga palët nuk është e interesuar maksimalisht që ky rinovim të ndodhë, pasi në merkaton e janarit, shkodrani duket se do ndërrojë ekip dhe do të shkojë tek Chelsea. Sipas “Rai Sport” në orët e fundit, klubi italian është hedhur në sulm, për të nënshkruar me mbrojtësin e djathtë të Chelsea, Zapacosta.
Mesa duket diçka është duke lëvizur në ambientin e Napolit, që më parë ia besonin vendin vetëm shkodranit, duke mos investuar asnjë euro në atë krahë. Hysaj e ka humbur pozicionin e tij me ardhjen e Ancelottit, pasi Makult është preferuar si titullar nga tekniku italian.
Shkodrani duket se është gati për një aventurë të re tek ekipi anglez, pasi trajner aty është Sarri me të cilin bashkëpunimi ka qenë i përkryer vitet e fundit.
