Një amerikane e burgosur në vitin 2015 me të dashurin e saj, për vrasjen e nënës së saj, u lirua nga burgu të premten pasi kreu një pjesë të dënimit të saj 10-vjeçar.
Heather Mack u largua nga burgu Kerobokan i Balit, herët të premten. Ajo nuk tha asgjë. Avokati i saj, Yulius Benyamin Seran, i cili nuk u pa me Mack, nuk pranoi të komentojë kur u kontaktua nga Reuters. I arrestuar në vitin 2014 në një rast që tërhoqi vëmendjen globale për shkak të natyrës së tij të frikshme, Tommy Schaefer u dënua me 18 vjet për vrasje me paramendim, ndërsa Mack u dënua me 10 vjet, pasi ndihmoi në vrasje.
Shefi i burgut Kerobokan për gratë e burgosura, tha të premten se Mack-ut iu dha një falje 34-mujore. Ajo tha se Mack ishte fetare dhe merrte pjesë në aktivitetet e modës dhe kërcimit në burg.
Avokati Yulius i tha AFP në gusht se Mack do të deportohej përsëri në SHBA, pas lirimit të saj.
Rasti i Mack dhe Schaefer u hetua nga autoritetet indoneziane për katër muaj, së bashku me Byronë Federale të Hetimit të SHBA-së.
Në vitin 2015, Schaefer, asokohe 21 vjeç, tha në gjykatë se kishte vrarë Sheila von Wiese-Mack në vetëmbrojtje në hotelin St. Regis në Bali, pasi ajo e sulmoi atë sepse kundërshtoi marrëdhënien e çiftit.
Mack ishte 19 vjeç në kohën e dënimit në 2015. Trupi i Von Wiese-Mack u gjet në hotel me mavijosje në krahë dhe gishta të thyer. Dëshmitë e dorëzuara në gjykatë përfshinin pamjet e kamerave CCTV që tregonin Schaefer dhe Heather Mack duke folur me një shofer taksie pasi kishin lëshuar valixhen e gjakosur.
Mack dhe nëna e saj kishin një marrëdhënie të trazuar dhe von Wiese-Mack kishte raportuar shpesh se vajza e saj e goditi dhe e kafshoi, sipas raporteve të policisë të cituara nga mediat e Çikagos.
Burimi i lajmit: CNN. Përshtatur nga Tirana Today
