‘Kam shkëmbyer afërsisht 5000 foshnje, e kam bërë për argëtim’, ka thënë infermierja Elizabeth Mwewa, e sëmurë me kancer. Infermieret të cilat pritet të jenë si kujdestare në spital, duke i krijuar pacientëve besimin se janë aty për çdo rast të nevojshëm, jo pak herë na kanë treguar të kundërtën. I tillë është edhe rasti në fjalë që i ngjan një ngjarjeje të tmerrshme.
Ka ndodhur në Zimbabve, ku infermierja e sëmurë me kancer ka rrëfyer mëkatin e saj. “Unë kam kancer dhe e di që do të vdes shpejt. Dëshiroj të rrëfej mëkatet e mia para Zotit dhe para të gjithë njerëzve të prekur, sidomos atyre që kanë lindur në ‘University Teaching Hospital’ (UTH) gjatë shërbimit tim”, ka thënë infermierja.
“Nuk kam asgjë për të fshehur. Në 12 vitet që kam punuar në repartin e lindjes në UTH, shkëmbeva afërsisht 5000 foshnje,” rrëfeu Elizabeth Mwewa.
Mwewa gjithashtu shtoi se fëmijët e lindur midis 1983 dhe 1995 në spital, duhet të kontrollohen, duke kërkuar edhe faljen e njerëzve dhe të zotit.
