Ministri i Infrastrukturës dhe Energjisë, Damian Gjiknuri ka reaguar pas akuzave të Berishës, se është parë duke ngrënë dreka e darka me Habilajt gjatë fushatës zgjedhore në Vlorë.
Gjiknuri i ka mohuar këto akuza, teksa është shprehur se Habilajt nuk i njeh dhe nuk ka pasur kurrë marrëdhënie me ta.
REAGIMI I GJIKNURIT:
A mund ta besojë njeri pinokun dixhital, atë që nuk njihte as baxhanakun e tij dhe nuk e dinte as ku i binte Gërdeci?! Habilajt nuk i njoh e as nuk kam patur kurrë marrëdhënie me ta. Fati i keq i shpifësit dixhital që po detyrohet të sajojë e kërkojë lidhje imagjinare mes morisë së fotografive në takimet elektorale me mijëra qytetarë të Qarkut të Vlorës.
