Ambasadorja amerikane Yuri Kim ka reaguar me një postim në Twitter, lidhur me situatën e krijuar nga përmbytjet në vend, që përfunduan edhe me një bilanc tragjik.
Kim shkruan se është pikëlluar për humbjen e dy personave, si pasojë e motit të keq, duke ngushëlluar familjen, teksa ka pasur një vlerësim për të gjithë që po kontribuojnë sado pak në këtë moment të vështirë.
“Jemi të pikëlluar për vdekjet dhe dëmet që rezultuan nga përmbytjet shkatërruese në veriun e Shqipërisë.
Shprehim ngushëllime për familjet e atyre që humbën njerëzit e tyre të dashur, dhe respekt për guximtarët shqiptarë që ndihmojnë bashkëqytetarët e tyre.
Ne jemi të gatshëm të ofrojmë mbështetje sipas nevojës”, shkruan ambasadorja Kim.
Si pasojë e motit të keq, humbi jetën Pjetër Rushaj së bashku me djalin e tij, Jason, të cilët i mori rrjedhja e ujit.
