Dy shqiptarë babë e bijë u ngjitën në majën më të lartë në botë, në malin Everest. Ata janë Mrika Nikqi dhe i ati Arianit Nikqi, të cilët arritën majën më të lartë të globit sot në mëngjes, rreth orës 06:00.
“Sot më datë 27 maj, në orën 6, Mrikë Nikqi, më e reja e të gjithë alpinistëve, njohur me nofkën ‘Mrikë Malësorja’, arriti me sukses që të ngjitet në Everest në lartësinë prej 8848 metra. Ajo ishte e shoqëruar nga babai Arianit Nikqi”, shkruhet në një portal që i dedikohet eventit “Everest 2019”.
Shqiptarja Mrika Nikqi është vetëm 17 vjeçe, duke u bërë kështu alpinistja më e re që ngjet majën më të lartë në botë.
