Pandemia ka përfshirë edhe sportin. Mbrojtësi Deian Boldor, i cili në verën e shkuar u huazua nga Verona te Partizani, jeton në Tiranë së bashku me të motrën, Denisa. Motra e mbrojtësit rumun ka rezultuar e infektuar me COVID-19.
Si Deian edhe Denisa janë karantinuar, ndërsa gëzojnë shëndet të plotë, raporton “Panorama Sport”.
E dyshimtë mbetet se ku e kanë marrë virusin motër e vëlla. Dje Partizani konfirmoi se dy lojtarë të tjerë rezultuan pozitiv me COVID-19
Në një njoftim për shtyp, 16-herë kampionët e Shqipërisë zbuluan se dy lojtarët e infektuar me koronavirus janë Deian Boldor dhe Besnik Ferati. Futbollisti tjetër i të kuqve Amir Bilali rezultoi negativ në testin e fundit të kryer.
NJOFTIM
FK Partizani njofton se dy prej pjestarëve të ekipit Deian Boldor dhe Besnik Ferati, kanë rezultuar sot pozitiv me Covid-19. Lojtarët ditët e fundit kanë shfaqur simptomat e para dhe menjëherë i janë nënshtruar testimit të tamponit nga ku kanë rezultuar pozitiv. Testimit të tamponit i nënshtruar edhe lojtari tjetër Amir Bilali, i cili ka rezultuar negativ. Boldor dhe Ferati fatmirësisht gëzojnë gjendje shëndetësore të mirë dhe janë vetëkarantinuar në banesat e tyre.
Ndërkohë asnjë lojtar dhe pjestar tjetër i ekipit nuk kanë shfaqur simptoma.
Klubi ka marr të gjitha masat dhe ka zbatuar me rigorozitet protokollin shëndetësor te Federatës Shqiptare të Futbollit dhe ISHP (Insituti Shëndetit Publik) dhe do të vijojë ti përmbahet udhëzimeve për pjesen tjetër të skuadrës dhe stafit.
