Tre persona kanë mbetur të plagosur si pasojë e një aksidenti që ka ndodhur në rrugën Fushë Krujë-Milot.
Nga të dhënat e para mësohet se të plagosurit janë nga Fieri dhe janë dërguar në spitalin e Traumës në Tiranë për ndihmë mjekësore.
Në aksident janë përfshirë mjeti tip ‘Fiat’ me targa italiane i cili është përplasur ‘kokë më kokë’ me një mjet tip ‘Golf’.
Të plagosurit janë Arbër Gjini 33-vjeç, Trifon Gjini 63-veç dhe Lena Gjini 55-vjeçe, të tre nga e njëjta familje.
Nuk dihen ende shkaqet dhe motivet e aksidentit, por forca policie në vendgjajrje kanë nisur hetimet.
