Jennifer Lopez dhe Shakira do të performojnë në shfaqjen e famshme të Super Boël. Ngjarja më e rëndësishme sportive në Amerikë. Pas performancës së Maroon 5 më parë, njerëzit kanë qenë gjithë sy e vesh se kush do të ndizte skenën. Në fillim u përfol se emrat që do të këndonin do të ishin Rihanna dhe Cardi B. Por, kjo gjë u hodh poshtë nga vetë organizatorët e shfaqjes. Më pas dy këngëtaret postuan nga një foto të njëra-tjetrës.
“Kjo po ndodh. 02.02.20”.,” shkruajti Lopez. Ndërkohë, Shakira postoi foton e 50-vjeçares me shkrimin: “Bëhuni gati”.
Shfaqja do të mbahet më 20 shkurt të vitit të ardhshëm në stadiumin Hard Rock në Florida.
Në një njoftim për mediat, J.Lo u shpreh: “Performanca në Super Bowl është tepër e veçantë për mua dhe jo vetëm sepse është 100 vjetori i NFL, por sepse edhe do të performoj me një mikeshë latine. Mezi po pres të tregoj se çfarë mund të bëjmë ne në skenën më të madhe në botë.”
Të dyja këngëtaret kanë një jetë në skenë, por kjo është hera e parë që ato do të performojnë së bashku. Dhe duke i njohur aftësitë e tyre për të ndezur skenën, pritet që performaca të jetë e jashtëzakonshme. Këtë gjë e mbështesin edhe fansat, të cilët shprehen se janë shumë të emocionuar, për atë që dy latinet do sjellin në skenë.
