Shqipe Hysenaj, gjatë një interviste për “n’Kosovë show”, ka dhënë deklarata të forta. Ajo tha se personazhet në emisionin “Për’puthen” ishin fallco, dhe ngjarjet që serviren në ekran s’janë reale.
“Për mua, më mirë një person të jetë vetja sesa i shtirur. Ata janë komplet të shtirur”, u shpreh ish-konkurrentja e “Për’puthen”.
Kur u pyet se cilët janë më fallco në emision, femrat apo meshkujt, ajo u përgjigj “padyshim femrat”.
Shqipja tha se vajzat në “Për’puthen” janë aq fallco, saqë ajo beson se dy prej tyre kanë romanca dashurie jashtë emisionit.
Megjithatë, Shqipja preferoi të mos i zbulonte emrat e tyre. E pyetur nëse do të kthehej sërish në emision, 28-vjeçarja u shpreh: “Kurrën e kurrës! Nuk do hyja, sepse nuk do lodhja veten time me njerëz që nuk i’a vlejnë. Unë mendoj se ishte komplet një strategji që të bëhej një ‘boom’ i madh. Faktikisht boom-i i madh me kë u bë? Me mua”, tha ndër të tjera ajo.
