Presidenti Meta ka folur edhe për videon e paralajmëruar, që implikon kreun e Këshillit të Emërimeve në Drejtësi, Ardian Dvorani, sot në “Open”. Ai tha shkurt dhe qartë se Dvorani do të bëhet shembull, për të dëshmuar se askush nuk mund të tallet me Reformën në Drejtësi.
“Video korruptive? Nuk jam këtu për të komentuar z. Tedi Blushi. Nuk do të mbetet fëmijë në planet, nuk do të mbetet pa kuptuar se çfarë vjedhje ka qenë. Dvorani do të bëhet shembull.
I vetmi shembull që të tregojë se askush nuk mund të tallet me Reformën në Drejtësi. Dëmi është i madh. Përvetësimi është i madh. Këta ambasadorët dhe ai janë përgjegjës”, tha Meta.
“Do jem i qartë për cilindo vagabond kombëtar”, Meta jep paralajmërimin e radhës
Pak më herët, kryetarja e LSI-së, Monika Kryemadhi, i doli në mbrojtje presidentit Ilir Meta në lidhje me akuzat që ky i fundit ka ngritur ndaj kreut të KED, Ardian Dvoranit. Në një bashkëbisedim me gazetarët, Kryemadhi u shpreh se Dvorani është i kapur nga Rama.
Ndër të tjera, kryetarja e LSI-së i bëri thirrje maxhorancës, e cila sipas saj, po bllokon ngritjen e Gjykatës Kushtetuese.
“Jemi të gjithë të qartë se çfarë po ndodh. Unë nuk jam juriste, por në Kushtetutë janë të qarta veprimet e presidentit dhe Dvorani ka bërë shkelje në proçes.
Ai është i kapur nga Rama, dhe kjo gjë tregohet hapur edhe nga mospublikimi i dekreteve të presidentit në Fletoren Zyrtare. Lidhja e z. Dvorani me Ramën dhe kapja e tij, nuk ka bërë gjë tjetër veçse kanë prodhuar këtë krizë ku jemi sot. Mazhoranca të mos vazhdojë të bllokojë më Gjykatën e Lartë. Do të çmontohet ky grusht shteti që ka ndodhur”, tha Kryemadhi ndër të tjera.
