Gjatë ditës së sotme, Gjykata e Durrësit ka shtyrë sërish procesin për projektin e “Velierës”. Gjykata e Shkallës së Parë nuk ka marrë një vendim mbi pezullimin ose vijimin e punimeve të Bashkisë për zbatimin e projektit, ndërsa kjo është e 11-ta herë që nuk merret një vendim i tillë, por edhe mbetet pezull në gjykatë.
Shtyrja e procesit gjyqësor është bërë me pretekstin për t’i dhënë kohë palëve për vërejtjet përfundimtare, ndërsa mësohet se seanca e radhës për këtë projekt do të mbahet në 6 shkurt.
Ndërkohë, seancën e sotme Gjykata ka rrëzuar kërkesën e Bashkisë së Durrësit për heqjen e sekuestros preventive. Media ka denoncuar se hedhjen e betonit në “Veleria” po e bën vëllai i kryebashkiakut të Durrësit, por ende nuk dihet saktësisht se kush qëndron pas kësaj, por këtë do ta ndajë vetë Gjykata e Durrësit
Projekti në fjalë ka patur debate të shumta edhe nga shoqëria, të cilët kanë kundërshtuar me forcë vijimin e punimeve në këtë shesh, por tashmë sheshi i “Velierës” është në gjykatë dhe në ditët në vazhdim pritet të merret vendimi për vijimin ose ndërprerjen e punimeve.
