Inxhinierja Luljeta Bozo është shprehur se qyteti i Durrësit nuk duhet të zbrazet tashmë pas tërmetit, por duhet të ndërtohet mirë.
E ftuar në emisionin “Opinion” në Klan Tv, Bozo foli edhe për rreziqet e tjera nga të cilat mund të kanoset vendi ynë. Sipas saj, një rrezik tjetër që mund të afektojë vendin tonë janë edhe rrëshqitjet e tokës.
Ajo u shpreh se ‘ka mundësi që plani i rrëshqitjes të jetë 60 metra thellë, e nuk ka masë inxhinierie që e pengon atë’.
“Ne kemi shumë probleme, shumë rreziqe natyrore, më i frikshmi është tërmeti. Megjithatë pak a shumë dihet në Shqipëri kush janë zonat me aktivitet të lartë sizmik. Durrësi nuk duhet të zbrazet, por duhet të ndërtohet mirë. Rreziku i dytë janë rrëshqitjet e njëpasnjëshme. Ka mundësi që plani i rrëshqitjes të jetë 60 metra thellë, e nuk ka masë inxhinierie që e pengon atë. Rrezikun i përmbytjeve, pasi gjithë sistemi i kullimit, i prishëm të gjithë. I hoqëm gurët për të bërë shtëpi. Rreziku i fundit i zjarreve, që në shumë raste janë nga pakujdesia mos themi të qëllimshme por që prishin gjithë ekosistemet”, tha Bozo.
