Një grabitje nën kërcënimin e armës ndodhi sot rreth orës 09:00 të mëngjesit në autostradën Tiranë- Durrës.
Persona të maskuar kërcënuan punonjësin e një karburanti në zonën e Fllakës dhe i kanë marrë atij paratë e xhiros ditore. Më pas autorët janë larguar me një automjet. Policia e Durrësit ka marrë pamjet filmike të kamerave të sigurisë me qëllim identifikimin e autorëve.
Njoftimi i Policisë:
Durrës / Informacion paraprak
Më datë 06.06.2021, në autostradën Tiranë- Durrës, në Fllakë, në sheshpushimin e një karburanti, dy persona me dhunë i kanë marrë një sasi lekësh shtetasit, i cili mbledh lekët e xhiros së karburantit dhe janë larguar me një mjet.
Menjëherë në vendngjarje kanë shkuar Efektivet e Policisë të cilët kanë ngritur pika kontrolli dhe po punojnë për kapjen e autorëve.
Gjithashtu në kuadër të zbulimit të plotë të rrethanave të ngjarjes janë shoqëruar dëshmitarë nga vendi i ngjarjes.
