Një shpërthim me lëndë plasëse ka ndodhur në një banesë në qytetin e Durrësit.
Ngjrja ka ndodhur rreth orës 05:35 të mëngjesit të sotëm, në pjesën e jashtme të banesës së B. N., në Fllakë.
”Më datë 08.10.2020, rreth orës 05:35, në pjesën e jashtme të banesës së shtetasit B.N.,(e pabanueshme), në Fllakë, ka shpërthyer një sasi e vogël lëndë plasëse, nga e cila ka vetëm dëme të vogla materiale’’, informon policia.
Janë shoqëruar në ambjentet e Policisë disa persona të dyshuar për këtë ngjarje.
Grupi hetimor po punon për zbardhjen e ngjarjes, identifikimin dhe kapjen e autorit.
