Dy persona kanë përfunduar në pranga pas finalizimit me sukses të dy operacioneve nga Specialistët e Krimit Ekonomik.
Shtetasi Gazmir Tato, 45 vjeç, u arrestua në flagrancë në ambientet e farmacisë së tij në Durrës, pasi iu gjetën 99 lloje medikamentesh me një vlerë 400 000 lekë, të cilat nuk kishin pullat fiskale të Agjensisë Kombëtare të Barnave dhe Pajisjeve Mjekësore Tiranë.
Gjithashtu, është arrestuar Indrit Tafa, 46 vjeç, pasi gjatë kontrollit të ushtruar në ambientin ku punonte si gomist, u gjetën 220 litra naftë e pa markuar në masën 90%, e cila është kontrabandë.
Materialet i kaluan Prokurorisë së Rrethit Gjyqësor Durrës për veprime të mëtejshme.
