Këshilli Bashkiak i Durrësit ka marrë sot vendimin për të shembur 12 pallate, të cilat rezultojnë të dëmtuara nga tërmeti i 26 nëntorit.
Pallatet që do të shemben ndodhen posaçërisht në zonat: Sukth, Manëz, Ishëm dhe Rrashbull.
“Vijimi i procedurave të prishjes së detyruar të 12 pallateve të ndodhura në njësitë administrative Sukth, Manëz, Ishëm, Rrashbull dhe njësinë administrative nr.4 Durrës, të gjitha pronë private në zbatim të ekspertizave të thelluara të hartuara nga Instituti i Ndërtimit, Tiranë”, thuhet në pikën 2 të vendimit.
Gjithashtu, Këshilli ka vendosur vijimin e procedurave të prishjes së detyruar të 7 pallateve të ndodhura në njësitë administrative Sukth dhe Manëz.
Në pikën e parë është miratuar edhe kontrata tip për përfitimin nga grantet e rikonstruksionit, për individët ose familjet e dëmtuara nga tërmeti i datës 26.11.2019 me nivel dëmi DS1-DS2 dhe DS3.
