Një trup i pajetë është gjetur në bregdetin e Durrësit. Policia kufitare bashkë me rojet bregdetare kanë bërë të mundur nxjerrjen e trupit të pajetë, por ende nuk dihet identiteti i viktimës.
Kanë qenë peshkatarët që po peshkonin pranë bregut, të cilët kanë pikasur trupin e pajetë që pluskonte mbi ujë.
Trupi i pajetë është gjendur në plazhin e Currilave, ndërsa policia kufitare po transporton kufomën në portin detar.
“Më datë 15.05.2020, rreth orës 08:30, në lagjen nr.1, Durrës, është gjetur e mbytur në det një shtetase e seksit femër ende e paidentifikuar”, thuhet në njoftimin e policisë.
Grupi hetimor ndodhet në vendngjarje, dhe po punon për zbardhjen e ngjarjes.
