Policia e Durrësit ka arrestuar në flagrancë shtetasin Dritan Çina, 45 vjeç, i akuzuar për thyerje të xhamit të një makine tip Nissan, në tentativë për të vjedhur një telefon celular, 7 000 lekë dhe disa sende të tjera personale.
Pas arrestimit të tij forcat e rendit i kryen një kontroll fizik, nga ku i gjetën lëndë narkotike e llojit Heroinë.
Bazuar në provat hetimore, janë dokumentuar të dhëna se Çina është autor i shumë ngjarjeve të tjera.
1.Më datë 17.05.2017, në Shkallnur, Durrës dyshohet se ka vjedhur pasqyrat e mjetit, në pronësi të shtetasit B.H.
2.Më datë 03.12.2017, në lagjen Nr.17/1, Durrës dyshohet se ka vjedhur sende personale në mjetin e shtetasit B.K.
3.Më datë 03.12.2017 dyshohet se ka vjedhur kasetofonin në mjetin tip Volzvagen, në pronësi të shtetasit A. B.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Vjedhja”dhe ” Prodhimin dhe shitja e lëndëve narkotike.
