Dy gra janë arrestuar në qytetin e Durrësit, nën akuzën e “Shfrytëzim prostitucionit”. 57-vjeçarja S.S dhe 49 vjeçarja T.T, të dyja banuese në Durrës, u arrestuan pas një pune hetimore 2-mujore me finalizimin e një operacioni.
Policia e Durrësit i ka kapur të dyja gratë në ambientin ku ushtronin prostitucion brenda qytetit të Durrësit. Mësohet gjithashtu se shtetaset e mësipërme kanë ushtruar prostitucion dhe kanë shfrytëzuar edhe femra të tjera për prostitucion kundrejt një pagese të caktuar.
Në ngarkim të shtetaseve të mësipërme, Gjykata e Rrethit Gjyqësor Durrës ka caktuar masën e sigurisë “Arrest në burg”.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Shfrytëzim prostitucioni” në ngarkim të tutores S.S. dhe “Prostitucion” në ngarkim të shtetases T.T.
