Aleati i Partisë Demokratike, kreu i PBDNJ, Vangjel Dule dhe ish-deputeti i LSI, Vangjel Tavo kanë zhvilluar një takim me kryeministrin grek Aleksis Tsipras.
Takimi ka ndodhur disa ditë më parë gjatë një vizite të Tsipras në veri të Greqisë, ndërsa në fokus të diskutimeve kanë qenë zhvillimet më të fundit në Shqipëri. Tavo dhe Dule e kanë takuar kryeministrin grek në Janinë.
“Kryeministri grek u foli dy përfaqësuesve të minoritetit grek për zhvillimet në Shqipëri, sfidat me të cilat ballafaqohet pakicat, reformat dhe perspektiva e saj për anëtarësim“, raportojnë mediat greke.
