Jo nuk është një grumbull qimesh por janë një grup merimangash në qoshen e një shtëpie.
Këto merimanga njihen për këmbët e tyre të gjata dhe për faktin se qëndrojnë të gjitha bashkë duke krijuar idenë e një grumbulli me qime. Videoja është realizuar në Dillingham, Alaskë, në SHBA, ku këto merimanga njihen me emrin ‘Dipdoolies’ dhe janë gjetur poshtë parvazit të dritares së autorit të videos.
Siç raportojnë mediat e huaja, ato shfaqen çdo vjeshtë kur ka ulje të temperaturave, por rrallëherë ndodh që të shfaqet një grumbull kaq i madh i gjithi bashkë. Zakonisht këto merimanga mblidhen rreth pragjeve të dyerve dhe duken vërtet të frikshme kur fillojnë të shkëputen nga grumbulli që kanë krijuar të gjitha bashkë.
