Ngjarja më e keqe e vitit që lamë pas në kampionatin Shqiptar ishte rënia e ekipi të Tiranës në kategorinë e Parë për të parën herë në histori. Një dramë mund ta quajmë për futbollin, pasi është një ndër ekipet me më shumë trofe. Duka është shprehur se ka bërë gjithçka kishte mundësi për ta ndihmuar, aty ka pasur probleme në organizim, por mund të them edhe që duhet të ketë fat. Që të rikthehet Tirana aty ku ka vendin duhet të ndërtojë strukturat në mënyrën e duhur dhe mendoj se po e bën mjaft mirë. Sa i përket titullit kampion të Kukësit vitin e shkuar, ku u mbyll me shumë polemika për atë përballje me Skënderbeun, ku arbitronte Enea Jorgji, Duka është shprehur se ka qenë një garë e pastër edhe pse mund të ketë pasur gabime arbitrare. Futbolli asnjëherë nuk ka për ti shmangur gabimet njerëzore, por nuk mund të ketë të qëllimshme dhe në Superiore nuk ka gabime të qëllimshme.
Një emër i madh i futbollit shqiptar si Tirana, ra nga kategoria. Komenti juaj për këtë ngjarje?
Patjetër që është një ngjarje, pasi për herë të parë në histori, fatkeqësisht, një ekip i madh me shumë trofe, me më shumë trofe në Shqipëri, ra nga kategoria. Kjo është një lojë, që duhet të kontribuohesh, organizohesh mirë, të luash mirë dhe në fund të kesh edhe pak fat. Nuk mund të themi që Tirana ishte skuadra më e dobët e kampionatit.
Por, ndofta edhe fati nuk e ndihmoi dhe e thashë fatkeqësisht. Unë personalisht kam keqardhje. Jam munduar me të gjithë mundësitë e mija, jo sportive, pasi nuk kam mundësi sportive të kontribuoj që Tirana të mos binte nga Kategoria ose të ringrihet. Realisht, që Tirana të ringrihet dhe të kthehet aty ku ka qenë, duhet të bëjë mirë gjithçka nga ana organizative, manaxheriale e sportive. Duket se këtë vit po i bën mirë dhe uroj që vitin e ardhshëm të kemi një Tiranë më të mirë.
Uroj që të mos kemi një skuadër tjetër me emër po kaq të madh si Tirana… Të gjitha ekipet e Kategorisë Superiore që janë në fundin e klasifikimit dhe që luftojnë realisht për mbijetesë, janë vërtetë skuadra me shumë histori në Shqipëri. Për çdo njeri të futbollit do të jetë dhimbje koke a keqardhje në fund të sezonit, nëse ndopnjë nga këta do të bjerë nga kategoria. Kjo është mënyra, ekonomia e tregut. Nuk ka më klube të mëdha, apo të vegjël, por ka klube që organizohen mirë dhe keq.
A e vendosi titullin e vitit të kaluar arbitri Enea Jorgji?
Presidenti i FSHF-së përgjigjet kështu: “Nuk besoj se ka ndonjë ndryshim negativ për arbitrimin, nga 2016 te 2017. Për mua, siç kanë ecur të gjitha gjërat në futboll, ka ecur edhe arbitrimi, pozitivisht. Nuk mund të them në asnjë rast që janë eliminuar gabimet njerëzore apo jo njerëzore. Këto ekzistojnë, prandaj ekzistojnë edhe të gjithë njerëzit që merren me përgatitjen, përmirësimin, trajnimin, kontrollin e arbitrave.
Që gabimet e tyre të minimizohen sa më shumë. Niveli i arbitrimit në Shqipëri, është i barabartë me nivelin e futbollit. Nuk është gjë e veçantë. Për sa e mbaj mend unë lojën dhe për sa kam lexuar, si dhe për sa të ekzistojë, pjesëmarrësit në garë dhe ata që e ndjekin, do të kenë kontestime për arbitrin. Është lojë e gabimeve arbitrare, futbollistike, teknike. Kemi me plot trajnerë që e pranojnë se mbas ndeshjes: Është lojë, gabova”, deklaroi Duka në “Supersport”.
