Zv.ministri i Mbrojtjes, Petro Koçi, ka bërë një status lidhur me arsyen e rrënimit të banesave që shkaktuan 51 viktima pas tërmetit të 26 nëntorit. Koçi sjell në fokus faktin se ka qenë prezentë në Thumanë që në orët e para të ditës.
Ai konfirmon zyrtarisht se Prokuroria ka qënë aty gjatë gjithë kohës, dhe se i kanë marrë provat për të nxjerrë shkaqet për ndërtesat e shtatërruara. Koçi rrëfen se është dëshmitar që ekipet shqiptare të kërkim shpëtimit kanë rrezikuar edhe jetën, për të nxjerrë sa më shumë njerëz të gjallë nën rrënoja. Por nga ana tjetër, ngre akuza mbi ndërtimin dhe strukturën e objekteve, shumë prej të cilave u shembën dhe morën jetë njerëzish.
Statusi
Kam qene ne Thumane qysh ne oret e para te mengjesit te dates 26 Nentor.
Jam deshmitar jo vetem i perpjekjeve vetemohuese te ekipeve tona te shpetim kerkimit, por edhe i pamjes se rrenojave te pallateve te shkermoqura nga termeti.
Deshmoj para kujtdo se tullat silikate ne pirgun vrases ishin te pastra nga cdo grimce ish llaci.
Dukej qartazi se materiali lidhes thuajse nuk egzistonte. Copa llaci nuk dukeshin gjekundi. Kishte vetem rere dhe pluhur krahas tullave te cilat dukej sikur sapo kishin dale nga fabrika.
Pjeset e derrmuara te trareve dhe transversat ishin tejoksiduar dhe ishin nxire nga lageshtira dhe mosha.
Prokuroria ishte aty gjate gjithe kohes. Jam i sigurt se ata i kane marre provat e duhura per te arsyetuar shkaqet e mosrezistences ndaj termetit.
Ne gjykimin tim ato viktima fatkeqe i vrau termeti ne bashkepunim me papergjegjshmerine njerezore.
Duhet te gjithe ti veme gishtin kokes!
Ligjvenes, shtetare, ekzekutive, specialiste, projektues, zbatues, ndertues, mbikqyres, notere, qytetare! Prokurore, gjykates!
Te gjithe!
