“Duhet të humbësh për interes të politikës me Serbinë”, trajneri i Kelmendit: “Majlinda s’ka Facebook”

Majlinda Kelmendi ka rënë pre e disa lajme false që qarkullojnë në Facebook, në një profil që ka 30 mijë ndjekës, por që nuk menaxhohet nga xhudistja. Në dy postimet e fundit tek ky profil fals, flitej që është duke u organizuar një duel mes Kelmendit dhe një xhudiste serbe. Por nuk mbetej me kaq, pasi ngriheshin akuza të forta për një ndeshje të kurdisur në interes të politikës, ku Kelmendi duhet të mposhteshe.

Trajneri Driton Kuka në një postim në Facebook, ka thënë se Kelmendi nuk ka asnjë profil të saj zyrtar dhe i ka bërë thirrje Policisë së Kosovës që të hetojë rastin.

“Majlinda s’ka Facebook as Instagram as asnjë rrjet tjetër social! Miq të nderuar,media por edhe organet e policisë për krime kibernetike mundësisht të parandalohen matrapazët e mashtruesit me emër të Majlindës”, ka shkruar Toni Kuka.