Shqipëria

“Duhet të blejnë shtëpi me garanci”/ Inxhinieri: Banesat pas viteve ’90, më pak cilësi


               Publikuar në : 10:25 - 23/09/19 Enno

Tërmetet që goditën vendin kanë shkaktuar panik dhe frikë tek qytetarët, ndërsa u shënuan dëme të shumta materiale.

Erion Softa, inxhinier ndërtimi ka shpjeguar për “FaxNews”, se sa i përballojnë objektet e ndërtuara në vend lëkundjet sizmike.

Po ashtu, Softa tha mes të tjerash se ndërtimet e pas viteve ‘90 konsiderohen më pak cilësore, ndërsa shtoi se duhet patjetër garanci për banesat.

“Ndërtimet e pas viteve 90’ kanë më pak cilësi. Intensiteti vijon, duhen marrë masa edhe bazike, per të shmangur çdo fatkeqësi. Duhet të kemi kujdes nga sende e shtuara në banesa, si depozitat e ujit. Gjithashtu duhen projekte dhe analiza inxhinjerike kur bëhen ndërtime.

Qytetarët duhet të blejnë shtëpi me garanci. Kur blihet banesa mendohet të jetë për gjithë jetën. Garancia duhet të jepet në momentin që blihet dhe të jap një siguri për sa vite mund të rezistojë kjo banesë.

Blejmë shtëpi të shtrenjta, dhe më pas flemë jashtë nga pasiguria. Duhet të fusim konceptin e ndarjes së godinës në vite. Ndërtesat e reja duhet të jenë më të sigurta”, theksoi Softa.

Kthehu
WhatsApp Denonco ne TT