Ditën e martë më datë 18 janar do të zhvillohet në Las Vegas ndeshja e boksit mes Conor McGregor dhe Donald Cerrone.
Ndërkohë vetëm pak ditë para ndeshjes, presidenti i UFC-së, Dana White ka bërë me dije se konferenca për shtyp që do të zhvillohet para këtij eventi do të jetë e hapur për fansat. Konferenca për shtyp pritet të mbahet 2 ditë më herët, më 16 janar, në orët e para të mëngjesit me orën tonë lokale.
Sipas mediave të huaja, kjo është një taktikë e UFC-së për të rritur shitjet ‘pay per view’(PPV) të këtij eventi. Kjo do jetë ndeshja e parë e irlandezit që prej 16 muajsh, ndërsa bëhet me dije se biletat për ta parë live ndeshjen janë shitur të gjitha.
UFC-ja kërkon ta promovojë sa më shumë këtë event që rikthen McGregor në kafaz, ndaj do të lejojë fansat të jenë të pranishëm dhe të mbështesin idhujt e tyre.
