Ish-këshilltari i fushatës së presidentit Donald Trump, Steve Bannon, ka mohuar akuzat e ngritura ndaj tij për mashtrim.
Në shfaqjen e tij të parë në gjykatë ai tha se ishte i pafajshëm.
“E gjithë kjo fiasko është për ta penguar njerëzit që duan të ndërtojmë murin”, tha ai.
Ndërkohë, Trump u shpreh se nuk ishte në dijeni për fushatën e mbledhjes së fondeve apo për njerëzit që ishin përfshirë në të.
“Ndihemi shumë keq për të. Kam kohë që nuk merrem më me Bannon. Ja bëra të qartë mendimin tim në atë kohë. Nuk më pëlqente. Mendoj se është vërtet diçka e trishtë”, tha Trump.
Bannon dhe tre persona të tjerë dyshohen se kanë përdorur për qëllime personale paratë e mijëra donatorëve, për fushatën online ‘ne ndërtojmë murin’ nga e cila u mblodhën më shumë se 25 milionë dollarë.
Ai shërbeu si këshilltari kryesor i fushatës presidenciale të Trump dhe më vonë shërbeu si shefi strategjik i Shtëpisë së Bardhë. Bannon u shkarkua nga Presidenti në gusht të vitit 2017.
