Ministri i Jashtëm i Kosovës, Behgjet Pacolli ka falënderuar publikisht këngëtaren me origjinë shqiptare, Dua Lipa për provimin që i bën shtetit të Kosovës.
“Faleminderit Dua Lipa për promovimin e madh që i bën Kosovës dhe kombit tënd”, shkruan Pacolli në Facebook.
Dua Lipa ishte prezente në Kosovë këto ditë, ku edhe ka zhvilluar festivalin ‘Sunny Hill Festival’, në të cilin morën pjesë këngëtarët më të njohur shqiptarë dhe jo vetëm. Këngëtarja bëri pjesë të këtij festivali edhe dy nga emrat më të njohur të muzikës botërore, Calvin Harris dhe Miley Cyrus.
Mbrëmjen e djeshme ishte edhe nata e dytë e këtij festivali i cili u mbajt në Parkun e Gërmisë, në Kosovë. Videoja e Dua Lipës duke kërcyer vallen e Rugovës, teksa në krahë mbante flamurin shqiptar i bëri të gjithë krenarë, duke e shpërndarë masivisht në rrjetet sociale.
