Dua Lipa ka rrëfyer një pjesë të pathënë rreth familjes së saj dhe së shkuarës. Këngëtarja shqiptare me famë botërore ka folur me mjaft krenari për origjinën e saj, në një intervistë për “Rolling Stone”.
Teksa përmendi momentet e tmerrshme që kaluan për shkak të serbëve, Dua rikujtoi se asokohe, gjyshi i saj historian po shkruante për gjithçka që po ndodhte gjatë luftës.
Këngëtarja ka treguar se gjyshi i saj, Seit Lipa, i cili ishte edhe drejtor i Institutit të Historisë në Prishtinë, i është kërkuar nga serbët të ndryshojë historinë dhe ta falsifikojë siç e kërkonin ata. Ai nuk ka pranuar dhe ndaj humbi në atë kohë edhe vendin e punës.
“Gjyshi im nga ana e babait tim po shkruante libra për gjithçka që po ndodhte. Kur ndodhi okupimi, forcat serbe kërkuan që ai të rishkruajë historinë.
Ai nuk pranoi dhe ai humbi punën e tij. Kështu që është pjesë e asaj që unë jam dhe qëndroj pranë gjërave në të cilat besoj”, ka treguar këngëtarja për “Rolling Stone”.
