Kina ka vendosur që ta luftojë koronavirusin edhe përmes teknologjisë.
Bëhet fjalë për dronë, robotë dezinfektues dhe superkompjutera që janë në dispozicion për të luftuar koronavirusin.
Sipas “CNN”, Pekini është duke nxitur kompanitë teknologjike t’i bashkohen në luftën kundër koronavirusit, me qëllimin për të krijuar pajisje kompjuterike, dronë dhe aparatura të tjera që lejojnë kryerjen e disa proceseve të trajtimit të pacientëve, duke eliminuar kontaktet njeri me njeri.
Gjatë këtij muaji, kompania “Tencent” ofroi disa kompjutera lehtësues, ku përfshihen edhe makineri që mund të kryejnë përllogaritjet shumë më shpejt se një kompjuter i zakonshëm, në mënyrë që t’i ndihmojnë shkencëtarët në garën për të gjetur një kurë, shkruan “opinion.al”.
Dronët
Dronët gjithashtu janë vënë në përdorim gjatë shpërthimit të koronavirusit.
Kjo teknologji u lejon autoriteteve të skanojnë që nga distanca persona që në rrugë apo vende masive, mund të kenë nevojë për ndihmë.
