Trafiku i drogës nga Shqipëria në drejtim të Italisë tashmë është një problem i madh. Këtë shqetësim e përcjellin, jo vetëm mediat italiane, por edhe autoritetet e policisë. Ata theksojnë se si rezultat i shkëmbimeve të trafikantëve dhe tregtimit të lëndëve narkotike, është krijuar një vello e zezë në Itali, pasi krimet dhe vjedhjet gjithnjë po shtohen-shkruan Tirana Today
“Është trafikimi i drogës me Shqipërinë që krijoi luftën e re mafioze” në territorin e Foggisë dhe krahinës. Është trafiku i drogës dhe trafikantët nga Shqipëria qe kanë hapur një luftë të re me mafia në territorin e provinces se Fogglias”–thonë autoritetet italiane.
Shqipëria dhe këmbimet e drogës me trafikantët italianë, ka krijuar kaos dhe vjedhje në pjesë më të madhe të Foggia. Gjatë ditës së sotme koloneli, Marco Aquilio ,komandi i karabinierëve ne provincën e Foglias ka inkurajuar gazetarët për të qenë prezentë gjatë raportimit për të gjitha aksionet që janë realizuar në 2017. Ndërsa mbajti fjalën përballë gazetarëve, ai tha se arrestimet në këtë zonë janë rritur duke kapur shifrat e 1576 që ishin një vit më parë, ndërsa në vitin 2017 janë arrestuar 1633 persona-shkruan Tirana Today.
Krimet kanë shënuar një rritje të madhe në këtë zonë të Italisë, ndërsa në shifra janë rritur në krahasim me një vit më parë. Në 2016 numri i krimeve ishte 257, ndërsa në këtë vit shënuan një rritje duke shkuar në 284 raste. Ndërsa grabitjet janë po ashtu në rritje, nga 123 vitin e kaluar në 137 këtë vit. percjelle lagazzettadelmezzogiorno.it
Numri i vrasjeve këtë vit ishte 15, ndërsa një vit më parë ishin regjistruar vetëm 8. Droga e kapur nga autoritete shkonte në 116 kg këtë vit, ndërsa krahasuar me të njëjtën periudhë të vitit të kaluar ishte 55 kg, që do të thotë se është në rritje.
Aquilio the se grabitjet në farmaci dhe dyqane ushqimore, janë në shtim e sipër. Ky fakt duhet të lexohet së bashku me diskursin e drogës, sepse janë të gjitha grabitjet që janë kryer, nganjëherë edhe nga adoleshentët, për të fituar para dhe pastaj për ti përdorur në trafikun e drogës.
“Ajo që kemi parë është se ka një vëmendje më të madhe për organizatat kriminale dhe ndaj drogës. Fërkimet që lindin brenda grupeve mafioze janë të lidhura me trafikimin e drogës. Siç tregohet nga shkëmbimet me Shqipërinë kanë çuar në sekuestrime dhe konfiskime të drogërave. Është e qartë se, kur grupet kriminale janë më të përqendruara në drogë, rritet konsumi dhe rrjedhimisht grabitjet rriten. Një shifër pozitive është ajo e rritjes së raporteve të zhvatjes. Në periudhën e fundit kemi vërejtur një prirje më të madhe nga ana e njerëzve për të denoncuar këtë lloj krimi. Shteti duhet gjithmonë të jetë më i besueshëm dhe besoj se Shteti në Foggia është i besueshëm. Qytetari nuk mund të injorojë të gjitha përpjekjet që janë bërë me rritjen e fuqisë punëtore për të përmirësuar situatën në provincën e Foggia. Uroj për të ardhmen një bashkëpunim gjithnjë e më të madh dhe ftoj qytetarët që të denoncojnë sa më shumë rate të tilla”-përfundoi ai. PËRSHTATI TIRANA TODAY
