Situata politike në vend nisi të krijonte një situatë pasigurie tek biznesi, duke frenuar projektet e reja dhe duke vënë në pikëpyetje rimëkëmbjen ekonomike. Ishte kjo një nga arsyet që ndërkombëtarët përsërisnin shpesh, teksa kërkonin dialog mes partive politike.
Teksa marrëveshja konkretizohet me votimet në Kuvend, përfaqësuesit e biznesit ‘ngrenë’ zërin.
Arben Shkodra nga Dhoma e Tregtisë dhe Industrisë shprehet i pakënaqur dhe i zhgënjyer nga politika, teksa shpalos edhe një ofertë ekonomike.
“Kemi patur deri tani vetëm deklarata, por nuk kemi patur qasje dhe tryeza konstruktive për të marrë rekomandimet. Jemi në pritje. Sipërmarrja është shumë e interesuar të dijë cili do të jetë programi ekonomik i një qeverie në shtator të 2017-s. Kemi interes që niveli i taksave të ulet siç kemi interes edhe që bilanci i shtetit të jetë i konsoliduar”
