Kryebashkiaku i Vlorës, Dritan Leli është paraqitur në SPAK, por ende nuk dihen arsyet e pranisë së tij në Prokurorinë e Posaçme Anti-Korrupsion. Paraditen e sotme, kryeministri Edi Rama e sulmoi hapur kryebashkiakun Leli, për mbarëvajtjen e punës dhe çështjes së pastrimit në Vlorë.
Kreu i qeverisë Edi Rama e sulmoi gjatë takimit me kryetarët e Bashkive në Pogradec. Rama tha se drejtuesi i Bashkisë së Vlorës fle gjumë, pavarësisht kapaciteteve që ka Bashkia që ai drejton.
“Kemi Bashki si Vlora që ka pasur një vëmendje të veçantë me të drejtë nga Qeveria, por që ka një kryetar Bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht!”, tha Rama gjatë një takimi me kryebashkiakët.
