Kryebashkiaku i Vlorës, Dritan Leli, është thirrur për herë të dytë në SPAK. Prej rreth një ore, kryebashkiaku socialist është paraqitur para organit të akuzës, ndërsa ende nuk dihet arsyeja se pse është paraqitur në SPAK.
Leli po merret në pyetje në lidhje me një hetim, për të cilin Prokuroria tregohet e rezervuar për informacione.
Kjo është hera e dytë që Leli merret në pyetje nga SPAK. Herën e parë pas daljes nga Prokuroria e Posaçme, Leli i pyetur nga gazetarët u përgjigj: “Pyesni SPAK për më shumë informacione”.
Kreu i qeverisë Edi Rama e ka sulmuar shpesh kryebashkiakun Leli për mbarëvajtjen e punës, dhe çështje të pastrimit në Vlorë.
