Drejtori i Divizionit të Shpërndarjes në OSHEE Petraq Lika ka deklaruar publikisht ditën e sotme se tërmetet e forta, të shoqëruara nga përmbytjet masive i kanë shkaktuar institucionit një dëm prej 110 milionë lekësh.
Në rubrikën “Opinion” në “News24”, Lika theksoi se vendi ka përjetuar një situatë të jashtëzakonshme: “Është e jashtëzakonshme, në sistem raste të tilla janë të pakta. Në 33 vite që kam në sistem, mund të kemi dy-tre raste të tilla, me tërmete dhe përmbytje. Ne kemi bërë një vlerësim të situatës, OSHEE ka një dëm prej 110 milion lekësh nga kjo situatë”.
