SPAK ka dorëzuar të tjera prova që implikojnë ish deputetin Alqi Bllako, me persona të lidhur me inceneratorët. Bëhet me dije se SPAK ka dërguar në gjykatë të dhëna të reja për Bllakon, ku rezulton se në prill të 2019 ai ka udhëtuar drejt Italisë me Klodian Zoton, raporton “BalkanWeb”.
GJKKO konfirmoi zyrtarisht se SPAK i ka dorëzuar kërkesën për caktim mase sigurie “arrest me burg” për ish-deputetin e PS, Alqi Bllako.
Sakaq, Kuvendi ka shpallur vakancën pasi Alqi Bllako dha dorëheqjen nga mandati i deputetit.
Nënkryetarja Ermonela Felaj, e cila drejton këtë të enjte seancën plenare, njoftoi se Bllako e ka dorëzuar mandatin e deputetit me vullnet të plotë, dhe në këtë mënyrë, duke iu referuar nenit 71, mandati i tij i deputetit mbaron.
