Kompania Pfizer deklaroi se ka në plan që të zhvillojë një takim me zyrtarë të lartë të Shëndetit të SHBA-ve, për të diskutuar në lidhje me kërkesën e bërë nga prodhuesi i vaksinave, që personat e vaksinuar të marrin edhe një dozë të tretë.
Kjo kërkesë e Pfizer, vjen pasi këshilltari kryesor në Shtëpinë e Madhe Dr. Anthony Fauci tha se marrja e një doze të tretë është plotësisht e mundshme, dhe mund të bëhet e domosdoshme, shkruan Al Jazeera.
Kompania tha se ishte planifikuar të zhvillohej një takim me zyrtartë të Administratës e Ushqimit dhe Barnave (FDA) dhe disa të tjerë të hënën e ardhshme, disa ditë pasi Pfizer pohoi se doza e tretë do të duhej të merrej brenda 12 muajve.
Dr. Mikael Dolsten përfaqësues i kësaj kompanie i tha “Associated Press” javën e kaluar, se të dhënat e hershme nga një studim i kompanisë sugjerojnë se nivelet e antitrupave tek njerëzit shtohen nga pesë në 10-fish pas marrjes së një doze të tretë, krahasuar me dozën e dytë të marrë muaj më parë, provë që besohet se mbështet nevojën për një dozë përforcuese.
Të dielën e 11 korrikut, Fauci nuk e përjashtoi mundësinë, por tha se ishte shumë shpejt që qeveria të rekomandonte një dozë tjetër. Ai tha se Qendrat për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave (FDA) bënë gjënë e duhur javën e kaluar duke mos u pajtuar me pohimin e Pfizer-it dhe duke thënë me deklaratën e tyre se “në këtë kohë” ato nuk e shohin si të nevojshme dozën e tretë.
