E mërkurë, 13 Tetor, 2021
15.5 C
Tirana

Tenderi abuziv me uniformat e policisë, jepet vendimi për 9 zyrtarët

Gjykata e Posaçme kundër Korrupsionit dhe Krimit të Organizuar (GJKKO), ka marrë vendimin ditën e sotme, për 9 zyrtarët e Ministrisë së Brendshme, të cilët ishin të përfshirë në abuzimin me tenderin prej 2.8 miliard lekësh për uniformat e Policisë së Shtetit.

GJKKO la në fuqi masat e ”arrestit me burg” për 8 prej tyre, ndërsa vetëm për anëtaren e KVO, Anisa Bogdani u vendos masa e sigurise ”arrest shtëpie”, për shkak se ka kërkuar të kujdeset për fëmijën e saj të mitur.

Seanca është bërë me dyer të mbyllura, ndërkohë që personat e dyshuar kanë mohuar akuzat pasi pretendojnë se kanë kryer një procedurë tenderimi konform rregullave dhe kritereve të prokurimeve publike.

Arrest me burg:

Edlira Naqellari, ish-drejtoresha e Blerjeve të Përqëndruara në MPB

Flutura Çekrezi, zyrtare pranë Agjencisë së Blerjeve të Përqëndruara

Fatmir Demneri, anëtar i KVO

Mariglen Buzali, anëtar i KVO

Kreshnik Bejkaj, anëtar i KVO

Ani Omuri, anëtar i KVO.

Gëzim Mingaj, anëtar i KVO.

Arrest shtëpie:

Anisa Bogdani, anëtar i KVO.

SPAK firmosi të shtunën e 10 korrikut, urdhër-arrestet për 9 zyrtarë dhe ish-zyrtarë të Ministrisë së Brendshme, nën akuzë për ‘shkeljen në barazi’ dhe ‘pjesëmarrje në tendera’. Tenderi për blerjen e uniformave të Policisë së Shtetit u nënshkrua kur në krye të Ministrisë së Brendshme, ministër ishte Sandër Lleshaj dhe tenderi kapte vlerën e mbi 2.8 miliardë lekësh.

Tenderi abuziv 

Në pjesën e dosjes, tregohet se një anëtare e Njësisë së Prokurimit, përkatësisht inxhinierja tekstile në Drejtorinë e Përgjithshme të Policisë së Shtetit, Aurora Mulla, nuk e ka firmosur tenderin, duke ngritur shqetësimin për abuzimin që po bëhej, por që sipas SPAK, “Ky shqetësim i saj për përcaktimin e sasive të pritshme të artikujve të uniformës është shfaqur tek anëtarët e tjerë të Njësisë së Prokurimit, por nuk është dokumentuar me ndonjë procesverbal konkret, përveç mosnënshkrimit të asaj të tabelave të mësipërme”.

Lexo edhe :   Donte të mbante ‘marrëdhënien gjallë’, i dërgoi të dashurit foto të një fëmije
Lexo edhe :   Donte të mbante ‘marrëdhënien gjallë’, i dërgoi të dashurit foto të një fëmije

Siç tregohet në dosjen e SPAK, zyrtarët e Ministrisë së Brendshme kanë ndryshuar sasinë e uniformave që do të merrnin, por nuk kanë ndryshuar çmimin e tenderit prej 2.8 miliardë lekësh.

- Reklama -

Më shumë nga kategoria




Të fundit

Sa do të shtrenjtohet energjia?

Qoftë për ngrohje, furnizim me karburant, apo për faturën e energjisë elektrike: konsumatorët duhet të paguajnë gjithnjë e më shumë para për energji. Cilat...

Si po tallet Sali Berisha me viganët e historisë

Nga: Pajtim Bello Sali Berisha, si në fillimet e 1991, kërkon të sëmbojë demokratët e Kukësit duke evokuar historinë e trevës së tyre. Sjellje tipike...

Mashtrimi me kreditë/Lihet në burg infermierja, lirohet bashkëpunëtorja

Gjykata e Tiranës ka lënë në fuqi vendimin "arrest me burg" për infermieren Elisabeta Bardhollari dhe "arrest shtëpie" për Orjada Hoxhën, pasi akuzohen për...

I mori jetën gruas në sy të foshnjes/Piloti 33-vjeçar nuk kishte bashkëpunëtor

Autoritetet greke kanë dalë në përfundimin, se në krim për vrasjen e 20-vjeçares Caroline Crouch në muajin maj në Greqi është i shoqi 33-vjeçar,...

Herët a vonë të gjithë do të thonë: E dua Doktoreshë Albanën

Nga: Lorenc Vangjeli Doktoreshë Albana Fico është një emër shumë i njohur në Tiranë. Në një kohë tjetër, ajo dhe shumë kolegë të tjerë si...