Mbrëmjen e sotme janë lëshuar tre urdhër arreste për ish-zyrtarë të lartë të Policisë së Shtetit. Këta ish-zyrtarë dyshohen si të përfshirë në dosjen ‘Tahiri’ për trafikun e kanabisit.
Duke iu referuar “tpz.al”, mes emrave që pritet të arrestohen është edhe ish-drejtori i Policisë së Vlorës, Jael Cela, ish drejtori i Policisë së Shkodrës, Alban Çela si dhe ish drejtori i Postës së Dhërmiut, Sokol Bode. Ky i fundit është fotografuar me Moisi Habilajn. Urdhër arreste kanë mbërritur në polici dhe pritet ekzekutimi i tyre. Prokuroria kërkon arrestim efektivëve që i cilëson si bashkëpunëtorë të Tahirit në trafikun e drogës.
Ish-ministri u vu nën hetim pas bërjes publike të përgjimeve nga pala italiane për dosjen ‘Habilaj’. Por Kuvendi nuk e dha autorizimin për arrestimin e tij. Aktualisht Prokuroria ka kryer kontroll banese dhe e ka marrë në pyetje Tahirin për hetimet qe janë duke u kryer.
