Mediat greke kanë zbardhur dosjen kriminale të shqiptarit 32-vjeçar që vrau avokatin grek Mixalis Zafeiropoulos. Ai rezulton të jetë një person me precedent penal që prej vitit 2007 për dy raste përdhunimi. Një nga historitë e tmerrshme e ka zanafillnë në vitin 2007.
https://youtu.be/UUlaGAKifcA?t=1
Shqiptari, Mikela Brahimas (me këtë emër njihet në dosjen penale greke), në Janar të vitit 2007 së bashku me bashkëpunëtorët e tij, i janë ofruar një mjeti tip “Foristradë” të zezë në Athinë, ku brenda saj ishte një vajzë 18-vjeçare dhe i dashuri i saj.
Në fillim dy ata i kanë kërkuar dy të rinjve para dhe më pas kanë detyruar partnerin e vajzës së re që të dilte nga makina. Në sediljen e shoferit u ul 31-vjeçari shqiptar dhe u larguan në një distancë të largët. Ata kishin marrë me vete edhe vajzën 18-vjeçare, me të cilën Brahimas abuzoi seksualisht. Në atë kohë, ajo tregoi për autoritetet të gjithë ngjarjen.
“Më pyeti sa vjeç jam, nëse jam e lidhur. I thashë që jam e virgjër. Ai filloi të fliste pa kuptim: ‘Do të të tregoj se si është’. Unë po qaja, ai ngriti dorën dhe tha ‘pusho moj k****’. Që të më linte të ikja, bëra çfarë më tha. Tha ‘mbaj qetësi që të mos na dëgjojnë”.
Pas këtij rasti, shqiptari ishte autor i një tjetër abuzimi seksual. Vetëm pak muaj më vonë, më 29 Nëntor 2007 sërish me një bashkëpunëtor ju afrua një tjetër makine. Ata thyen xhamin me gur dhe nxorën me forcë nga automjeti partnerin e një vajze 19-vjeçare dhe më pas u larguan drejt një zone të shkretë.
Nën kërcënimin se do ta vriste, ai kreu marrëdhënie seksuale me dhunë me 19-vjeçaren.
“Ose do të qëndrosh ose do të t vras, nuk do të çoj kurrë në shtëpi. Ose do të bësh çfarë të them unë ose fund”, i tha shqiptari vajzës greke.
Mikela Brahimas u arrestua dhe u dënua me 25 vite burg edhe për grabitje, por u lirua në vitin 2015 për shkak të një ligji të ri për të burgosurit. Pasi doli nga qelia, 32-vjeçari u largua drejt Shqipërisë për një kohë të pacaktuar duke kaluar ilegalisht nga kufiri jeshil dhe më pas u rikthye në Greqi.
Ndërsa më 12 Tetor 2017 Mikela Brahimas me një bashkëpunëtor që është në kërkim ekzekutuan avokatin e njohur grek Mixalis Zafeiropoulos në studion e tij në mes të Athinë. Mësohet se një nga bashkëpunëtorët e tij në gjithë këto histori është shqiptari Hainaut Mata banditi i dytë i kërkuar për vrasjen e Michael Zafiropoulos./Tirana Today/
