Pasditen e sotme kanë mbërritur në Prokurorinë e Krimeve të Rënda prova të reja mbi dosjen e “Habiljave-Tahiri”. Këtë radhë mendohet se fashikulli me 380 faqe përbën fakte mbi përfshirjen e zyrtarëve të lartë të policisë së Shtetit mbi trafikun e drogës midis Shqipërisë dhe Italisë. Ndërkohë në total, dosja voluminoze është mbi 1500 faqe, me përgjime dhe prova të ardhura nga hetimi që ka zhvilluar për katër vite me radhë nga Prokuroria e Katanias në Siçili.
Në këtë mënyrë, pala italiane i përgjigjur kërkesës për ndihmë juridike mbi procesin që ka nisur në vendin tonë, ku i akuzuari kryesor është ish-ministri i Brendshëm.
Sipas burimeve nga Prokuroria e Krimeve të Rënda, fashikulli me rreth 400 faqe do të përbëjnë edhe një fakt shtesë mbi akuzat e ngritura nga Prokuroria e cila do të përballet ditën e nesërme në Këshillin e Mandateve me deputetët e mazhorancës dhe opozitës në kërkesën e saj për të marrë autorizimin për të arrestuar më pas ish-ministrin e Brendshëm. Ndërsa mësohet se i gjithë materiali ka është përkthyer në gjuhën shqipe, dokument i cili do të përdoret ditën e nesërme.
Ky dokument pritet të “fundosë” zyrtarë të policisë së Shtetit që janë përfshirë në trafikun e drogës midis Shqipërisë dhe Italisë, trafik i cili drejtohej nga kushërinjtë e ish-ministrit Tahiri. Ndërsa mendohet të jetë edhe një fakt shtesë mbi akuzat drejtuar Tahirit, që mund t’i hapin rrugë marrjes së autorizimit nga Kuvendi dhe më pas arrestimin e tij.
Kjo është dosja e dytë pas asaj të dërguara pak ditë më parë me 416 faqe ku përmendej emri i Tahirit nga vëllezërit Habilaj për shuma në miliona euro që ish-ministri përfitonte në këtë aktivitet të trafikut të drogës midis Shqipërisë dhe Italisë.
Dosja e Moisi Habilajt by Tirana Today on Scribd
