Thorgan Hazard zyrtarizon kalimin e tij te skuadra e Dortmund, duke nënshkruar një kontratë 5-vjeçare. Ai e ka lajmëruar vetë këtë kalim me anë të një video mesazhi, ku ka zbuluar gjithashtu edhe fanellën e re, e cila do të mbajë numrin 8.
Lojtari belg u ka kushtuar plot 28 milionë euro skuadrës së Borussia Moenchengladbach. Kjo është goditja e dytë në merkato për verdhekuqtë pas marrjes së Nico Shulz nga Hoffenheim.
Ky ka qenë një sezon mjaft i suksesshëm për Hazard, pasi regjistroi 13 gola dhe 12 asistë për skuadrën e tij.
“Jam mirënjohës për 5 vitet e kaluara tek Monchegladbach dhe kam kujtime të bukura aty. Tani është koha ideale për të hedhur një hap tjetër në karrierën tim. Jam krenar që do të luaj për Borussia Dortmund, është një klub i madh me tifozë të mrekullueshëm”, tha Hazard në prezantimin e tij tek klubi i ri.
