Dortmun vazhdon të konfirmojë se është duke kaluar në një formë mjaft të dobët. Pas barazimit në Champions League, ka ardhur edhe një barazim tjetër zhgënjyes në kampionat përballë Eintracht Frankfurt. Dortmund mbanë vendin e parë në kampionat me një pikë më shumë se Leipzig, por rrezikon të barazohet nga Bayern Munich, në rast se fiton në sfidën e mbrëmjes. Djemtë e Peter Bosz e nisën kampionatin në mënyrën më fantastike të mundshme duke shënuar shumë gola, por duke konfirmuar edhe mbrojtjen më të fortë në Bundesligë. Por këto shifra nuk vlejnë më tashmë pasi në dy javët e fundit Dortmund ka marrë një humbje dhe një barazim dhe e ka humbur rrezikshmërinë në fazën sulmuese. Në ndeshjen zhvilluar sot, ata kalojnë në avantazhin e dy golave me Nuri Sahin dhe Philipp. Por vendasve të Entracht u kanë mjaftuar vetëm 4 minuta shkëlqim për të barazuar rezultatin, me anë të një 11-metërshi dhe një kundërsulmi që gjen të papërgatitur mbrojtjen.
Leipzig nga ana tjetër mjaftohet me një rezultat 1-0 zero për të siguruar 3 pikët e radhës dhe për të shkuar në -1 nga kreu. Golin e vetëm të sfidës e shënon Sabitzer që në minutën e 23’ të pjesës së parë.
Leverkusen ka shkatërruar Muchenglabach në fushën e këtyre të fundit me rezultatin 1-5. Ka qenë një përmbysje e çmendur pari pjesa e parë u mbyll në rezultat 1-0 për vendasit. Ndërsa pjesa e dytë është tjetër histori, me një Leverkusen perfekt që gjen pesë herë rrugën e rrjetës. Të dy ekipet renditen në mesin e tabelës pas 9 ndeshjeve të para, respektivisht Leverkusen në vendin e 9 me 12 pikë ndërsa Munchenglabach në vendin e 8 me 14 pikë. Sfida tjetër ka qenë Augsburg- Hannover që ka përfunduar me rezultat 1-2 në favor të miqve.
