Kryetarja e Lëvizjes Socialiste për Integrim, Monika Kryemadhi, ka pranuar se është e pakënaqur në mënyrën e të bërit opozitë. Teksa ka qenë e ftuar në studion e emisionit “Natë me Xhaxhiun” , ajo tha se opozita duhet të jetë sniper, e jo të veprojë vetëm spontanisht. Kryemadhi po kështu shtoi se në vendin tonë, politikën e bën krimi, dhe se të rinjtë po largohen gjithmonë e më shumë.
A jeni të kënaqur me opozitën që po bëni?
“Po flasim për një opozitë që funksionin në kushte jo normale. Nuk jemi as në Francë, as Gjermani, as Holandë, as edhe në Maqedoni. Jemi në një vend ku politikën e bën krimi. Kemi një qeveri të kapur ngërç, nga të gjitha pikëpamjet.
Sigurisht unë jam e pakënaqur, sepse do të doja që gjërat të ishin më të shpejta. Të rinjtë po largohen, por mos të harrojmë se kemi një media të kapur.
Jam dakord me atë që thotë edhe doktori, ne duhet të bëhemi bashkë. Ne jemi në maxhorancë numerike, nëse shkojmë në zgjedhje do e shihim sa vota do marrë Rama.
Sot opozita nuk duhet të jetë spontane, por e mirëorganizuar. Opozita duhet të jetë sniper.
Ka pasur zhvillim pozitiv në opozitë, edhe pse ato janë të padukshme. Sot kemi një sërë partish opozitare të unifikuara, e kjo nuk është pak”, përfundoi ajo.
