Referuar krizës politike në vend, të mërkurën pritet që të zbarkojë në Tiranë një delegacion i BE-së. Delegacioni i Komisionit të Punëve të Jashtme të Parlamentit Europian pritet të informohet mbi situatën e re në të cilën është futur vendi pas dorëzimit të mandateve parlamentare të opozitës, dhe hapat që priten të merren në vijim.
Ky delegacioni përbëhet nga deputetë të grupimeve të ndryshme politike të Parlamentit Europian.
Agjenda
Në krye të takimeve qëndron takimi me kryetarin e opozitës, Lulzim Basha dhe kryetaren e LSI-së, Monika Kryemadhi. Më pas takimet vijojnë me kryeministrin Edi Rama dhe ministrin e Punëve të Jashtme, Gent Cakaj.
Delegacioni do të takohet me kreun e Kuvendit, Gramoz Ruçi, si dhe dy përfaqësues të Shoqërisë Civile.
